غريب أمرك هل بلد

Guest post by : Maroun Sfeir

غريب أمرك هل بلد، إيه غريب.

كيف يعني فنان متل زيد حمدان بينطلب عالتحقيق والاف الفنانات الفالتانات ع “حل شعرن” ما حدى تعاطى معن؟

كيف يعني وعلى أية أساس بتتفضل شمس الغنية اللبنانية “المطربة” نجوى كرم بإهانة عشرات الألاف إذا مش الملايين من اللبنانيين بوصفهم غير مثقفين بس لأنو ما حبوا اغنيتها الموزوظة بعنوان “دوم تاك” – وبردو الجنرال سليمان ما أخد عخاطرو وطلبها عالتحقيق

نجوى كرم: لكل من لم تعجبه ” دوم تاك ” أقول .. روح تثقف

كيف يعني وعلى أية أساس بفرخ فنان اسمو محمد اسكندر يلي ما عندو لا شغله ولا عمله إلا انو يهين كل شي في نسوان بهل البلد بس لأن حابب يحس الشعور “الأخو شليتة” يلي بحسو رئيس جمهورية “قلبو” – وبردو الجنرال سليمان ما أخد عخاطرو وطلبو عالتحقيق

محمد اسكندر: “من الملاحظ أنه من يوم اصدار أغنيتي “يللي بيرميكي بوردة” و”جمهورية قلبي” هناك اغنيات عديدة تتحدث عن القتل والضرب وغيره، وهذا ما يعني انهم أتوا إلى مدرسة فارس اسكندر وسليم سلامة”.

كيف يعني وعلى أية أساس فنانة أمورة إسمى نانا وفي متلا وعلى شكلا كتير بتنزل أفلام إباحية ٥ نجوم عالسوق وبتزيد نسبة دخلها من بيع الهوى بنسبة لا تقل عن ٣٠٬ ٤٠٪ – وبردو الجنرال سليمان ما أخد عخاطرو وطلبها عالتحقيق

الخبراء يؤكدون أن الفيلم الجنسي للفنانة نانا تم برضاءها التام!!!

كيف يعني وعلى أية أساس أنا وأكيد ملايين اللبنانيين بالخارج ما قلنا عين نحضر محطات الموسيقى العربية قدام الأجانب لأنو عيب والله عيب… ما منعرف كيف بدنا نفسر ليه بس في صدور وفخاذ بالفيديو كلبس – وبردو الجنرال سليمان ما أخد عخاطرو وطلبهن عالتحقيق

رح وقف عد أمثال فنية وإرجع اسألك يا أيها الرئيس، كيف الك عين تطلب شخص عل تحقيق من ورا غنية نزلت عل سوق من سنه أو أكتر؟

غريب أمرك يا سليمان، إيه إنت يا جنرال سليمان، أخد ع خاطرك من فيديو ذكر اسمك؟ ولاو؟ معقول؟ ما هو الفيديو بيقول “أل ذي كربتتد بولتشينز غو هوم” وهل إنت واحد منهم؟ نعرتك مسله تحت بأطك؟

إعرف أيها الرئيس إن حرية التعبير مقدسه وإنو الخوف من الإنتقاد ما هو إلا نقطة ضعف ولو المرة الجاية تعرضت للإنتقاد خدها بضحكه واستعملا حجه للتغيير، إيه التغيير مش مناسبه جديده لياخد ع خاطرك

مواطن لبناني طرطش

كل الناس عم تنظر، وقفت عليك؟ فقعلك نظرية..

comments

اضف رد

لن يتم نشر البريد الإلكتروني . الحقول المطلوبة مشار لها بـ *

*