ليش مين قال غير هيك ؟

ملفت للنظر بقوة إعلان وزارة الشباب والرياضة الذي يظهر عدد من النواب والوزراء بزي كرة القدم، كلهم هناك، في ذكرى الحرب الأهلية…

الإعلان يقول “13 نيسان… ذكرى الحرب الأهلية، كلنا فريق واحد”.. ليش مين قال غير هيك؟ نعم ! مزبوط 100% كلكن فريق واحد … لكن ليس كفريق كرة قدم (بالمناسبة كل واحد لابس كنزة بلون فريقه السياسي) كلكن فريق واحد يتحكم برقاب ومصير المواطن اللبناني ويرفض الإصلاحات الإنتخابية حفاظاً على كرسيه، “كلكن فريق واحد” نعم ! ، فريق واحد سجل واحد وخمسين مليار دولار دين، “كلكن فريق واحد” نعم ! بقتل البشر والحجر، “كلكن فريق واحد” نعم ! بتجييش جمهوركم الطائفي وحشوه بالكراهية، “كلكن فريق واحد” نعم ! بمناهجكم المثمرة وخططكم العامرة هاجر الشباب اللبناني، “كلكن فريق واحد” نعم ! تسجلون الأهداف بمرمى السياسة ليبقى مرمى الجمهور فارغاً من معاني الإصلاح، “كلكن فريق واحد” نعم ! متعاونون على الفساد والسرقة والنهب، “كلكن فريق واحد” نعم ! شاركتم جميعاً في الحرب الاهلية أمراء حرب وطوائف سمجة كرستم أنفسكم طبقة سياسية، “كلكن فريق واحد” نعم ! على الشعب المسكين الملهي بمصائبه ولقمة عيشه، “كلكن فريق واحد” نعم ! انتم من يمنع قيامة المجتمع المدني، “كلكن فريق واحد” نعم ! فريق قوي كمان لم يهزم منذ ان استولى على عرش اللعبة، “كلكن فريق واحد” نعم ! بس مدرب الفريق دائماً أجنبي، “كلكن فريق واحد” نعم ! فريق دايماً مع الربحان بغض النظر عن اللعب النظيف والFair Play. ولك حتى النشيد الوطني غنوه بنشاذ أين منه المطربين الجدد…

“كلكن فريق واحد” طبعاً…نعم! قلب واحد؟ وهدف واحد؟ … أكيد ! مختلفين بأي يوم من آذار بس متفقين عالأيار؟ طبعاً !! نعم…

“كلكن فريق واحد” نعم ! فريق لنهب المال العام وقتل أبسط قيم العدالة الإجتماعية، “كلكن فريق واحد” نعم ! هجومكم حاقد ودفاعكم أسوأ من ذنبكم.. “كلكن فريق واحد” نعم ! فريق للتهجير… “كلكن فريق واحد” نعم ! فريق لإنشاء الصناديق وأكل أموالها، “كلكن فريق واحد” نعم ! فريق تغليب حب الكراسي على ممارسة الديمقراطية حتى بلعتم قانون الإنتخابات، “كلكن فريق واحد” نعم ! فريق يضحك على جمهوره إما بالدين والطائفة وإما بالمال والإستزلام

“كلكن فريق واحد” نعم ! فريق مؤلف من طبقة سياسية آن لها رحمة ورأفة بهذا الشعب ان تعتزل اللعب وتعطي مكانها للشباب الناشط…

“كلكن فريق واحد” نعم ! ليش مين قال غير هيك؟ ضروري تذكروا الشعب انكن متحدين على هلاكه وتفرقته؟، ضروري العالم كلو يشوف الشعب اللبناني مضحوك عليه؟ الدني كلها بتعرف انكن فريق واحد !!! جديدة ؟؟ أكيد لأ

“كلكن فريق واحد” … نعم ! صح… 100% صار إلنا سنين منقول هالحكي…

“كلكن فريق واحد” نعم ! ليش في حدا عندو شك ؟

إضغط لتكبير الصورة


كل الناس عم تنظر، وقفت عليك؟ فقعلك نظرية..

comments

10 تعليقات

  1. قوية يا بطل … كلامك يهز هز واشعرني بالمعاناه اللي لا تعانيها لوحدك وانما جميع شعوب العرب 🙁

    مع محبتي,

  2. trella.. de3anak b hal balad n2hrt mn jowa lama ereet hyda .. enta drore tzkrna kamen ? 5leehm 3m yd7ako 3layna ma kena mntebhen ..aw yemken nesyen aw 3m netnesa..
    kelon free2 wahad la msale7on w jeyabon.. nshala broho fare2 wahad 3jhanam..

  3. This is one of the best articles you ever wrote my friend.
    Hats off!!!

  4. دخلك شو هالارقام على التياب ؟
    بحياتي مل شفت ارقام 46 و88
    طق حنك اكتر من هيك مش شايف
    ناكين الاخضر واليابس والن عين يطلعوا على التلفزيون

    • يمكن أرقام الملايين يللي كل واحد شارقها.. العمى إذا إنت لعبت معهن كان بيطلع رقمك تحت الصفر hahahaha

  5. ممتاز كما عهدناك صديقي. بس صدقني الناس ما بيعرفوا أنهم فريق واحد ليتهم يعلمون و يقتنعون

  6. حشاش حامل رشاش

    صديقي هناك مثل بسيط و بليغ يقول : يلي عندو حمار و ما بيركب عليه بكون حمار ابن حمار و هؤلاء السياسيين اثبتوا انهم ليسوا (حمير ) اما مجاميع القبائل و الطوائف المتحاربة في لبنان في ( حمير ابناء حمير )
    تصبح على وطن

  7. I WONDER WHAT KIND OF COURAGE DO U HAVE TO SAY OUT LOUD WHAT WE THINK OF IN THE DARK SILENCE OF OUR HEARTS MAY GOD BLESS U AND KEEP U OUT OF HARMS WAY I LUV READING THOSE BITS AND PIECES U WRITE ESPECIALLY THE ONE ABOUT ” AL AMN AL MAMSOUK…. MEN TIZO”

اضف رد

لن يتم نشر البريد الإلكتروني . الحقول المطلوبة مشار لها بـ *

*