الإفتتاح الرسمي للحملة الإنتخابية بمواجهة النخبة السياسية الفاسدة " لنخلي الديمقراطية توصل للركب"


أيها المواطن اللبناني الكريم…

لما كانت النخبة السياسية اللبنانية مصرة على اللعب وإضاعة الوقت وإهمال كافة جوانب العمل الحر الديمقراطي، ولما إتفق أعداء الأمس، أحباء اليوم على تقطيع أوصال المناطق اللبنانية وتفصيلها على قياسهم الإنتخابي، ولما كانوا قد غيبوا كافة أشكال التمثيل الصحيح عبر نسف كافة الخطط الإصلاحية للنظم الإنتخابية ولما كانوا مصرين على انو يقلبوها مِحن ويديروها منيكة، قررت أنو انا كمان ديرها لعب، بدكن تلعبوا؟ نحن رب مين لعب…

“لنمنعهم من اللعب بحقوقنا”

“حتى الأفندي يصير بلا ريحة”

“حتى شوفير السرفيس يبطل يبزق من الشباك”

“حتى يضل إلك نفس تضهر مع صاحبتك”

“حتى يضل إلك نفس تبعتي SMS لصاحبك”

“حتى الوصول الى اصلاح إنتخابي كامل”

أفتتح رسمياً الحملة الإنتخابية معلناً ترشحي عن العاصمة بيروت خارج القيد الطائفي، على أساس النسبية عن مقعد الزهقانين وأطلب من كافة الزهقانين أمثالي أن يشاركوا بكثافة في الإقتراع بورقة بيضاء خالية من أسماء أي من المرشحين.

ملاحظة: يلزمنا مرشحة عن مقعد القرفانين



7 responses to “الإفتتاح الرسمي للحملة الإنتخابية بمواجهة النخبة السياسية الفاسدة " لنخلي الديمقراطية توصل للركب"”

  1. ana b5af sawtlak ya imad l2no b7awlo y2tlok mn tene yom btfot fe 3l baladeye 3shen ma tkshoflon asraron ;p so sho bdk b waj3t hal ras la hek 5alsen wala hek 5alsen..

  2. اذا بتسمح
    انا عندي فكرة للمرشحة عن حزب القرفانين
    شي وحدي من البارات ، هيك هيك ، نحنا مبعوصين ، خلينا شي مرا نبعص احسن ما ننبعص
    شو رايك

    • وحياتك لو معي حق علم أو أجار بوسطة كنت إشتريت شركة، وإلتزمت خصخصة شي إدارة رسمية وفضحت الوزير واللي جابو

Leave a Reply

Your email address will not be published. Required fields are marked *